“Bavariya” bugun “RB Leypsig”ga 1:2 hisobida imkoniyatni boy berib qo‘ydi.

Myunxen jamoasi 2017 yilning 25 noyabr kunidan beri ilk marta mag‘lubiyat alamini totib ko‘rdi va 72 yoshli Yupp Xaynkesning murabbiylik postiga qaytganidan so‘ng 31ta uchrashuvda ikkinchi marta mag‘lub etildi. (27 g‘alaba, 2 durang, 2 mag‘lubiyat).

Chempionat yakunlanishiga 7 tur qolganda “Bavariya” eng yaqin ta’qibchisi “Shalke”dan 17 va Dortmundning “Borussiya” klubidan 18 ochko farq bilan birinchi o‘rinda bormoqda.

“Bavariya” 31 mart kuni “Borussiya D”ga qarshi o‘yinda g‘alaba qozonsa ketma-ket oltinchi marta mamlakat chempioniga aylanadi. Bundan tashqari, “Bavariya”ning chempion bo‘lishi uchun “Shalke” klubi “Frayburg” bilan uy o‘yinida ochko yo‘qotishi kerak bo‘ladi.