Bugun Qo‘qondagi “Markaziy” stadionida “Qo‘qon-1912” va “Navbahor” jamoalarining rasmiylari va PFL vakillari ishtirokida yig‘ilish bo‘lib o‘tdi.
Yig‘ilishda ertaga bo‘lib o‘tadigan Superliga 4-tur doirasidagi “Qo‘qon-1912”-“Navbahor” jamoalari o‘rtasidagi o‘yinning tashkiliy jihatlari ko‘rib chiqilib, unda uchrashuv komissari Ma’mur Saidqosimov jamoalar vakillariga o‘yinda bo‘ladigan turli holatlar va tashkiliy masalalar haqida batafsil tushuncha berib o‘tdi.
Yig‘ilishda shuningdek, jamoalarning ertangi uchrashuvda kiyadigan liboslari ham tasdiqlandi. Unga ko‘ra, vakillarimiz havo rang liboslarda maydonga tushadigan bo‘lishdi. Mehmonlar “Navbahor” jamoasi a’zolari esa oq-qizil rangli futbolkalarda harakat qilishadi.
