“MYU” ustozi Joze Mourinyoning aytishicha, joriy mavsumda uning jamoasi boshqa istalgan chempionatda g‘olib bo‘la olardi.
“Biz o‘tgan mavsumda sovrinlarni qo‘lga kiritdik, ammo mavsumni 6-o‘rinda yakunladik. Hozir esa 2-o‘rinni egallashga yaqin turibmiz. Ayni damda o‘tgan mavsumdagidan 10 ochko ko‘p to‘pladik, o‘tgan mavsumdagidan ko‘proq gol urdik va kamroq gol o‘tkazib yubordik. Ammo APLda g‘olib bo‘la olmaymiz. Lekin ishonamanki, “MYU” joriy mavsumdagi o‘yini bilan boshqa istalgan chempionatda chempion bo‘la olardi.
Biz yaxshi mavsum o‘tkazyapmiz. Hali Angliya kubogida imkoniyatimiz bor. Kurashishda davom etamiz”, dedi Joze.
