“МЮ” устози Жозе Моуриньонинг айтишича, жорий мавсумда унинг жамоаси бошқа исталган чемпионатда ғолиб бўла оларди.
“Биз ўтган мавсумда совринларни қўлга киритдик, аммо мавсумни 6-ўринда якунладик. Ҳозир эса 2-ўринни эгаллашга яқин турибмиз. Айни дамда ўтган мавсумдагидан 10 очко кўп тўпладик, ўтган мавсумдагидан кўпроқ гол урдик ва камроқ гол ўтказиб юбордик. Аммо АПЛда ғолиб бўла олмаймиз. Лекин ишонаманки, “МЮ” жорий мавсумдаги ўйини билан бошқа исталган чемпионатда чемпион бўла оларди.
Биз яхши мавсум ўтказяпмиз. Ҳали Англия кубогида имкониятимиз бор. Курашишда давом этамиз”, деди Жозе.
