O‘zbekiston Futbol Assosiasiyasi tomonidan Superliga hamda Pro-liga klublarida ishtirok etadigan futbolchilarning jismoniy holati tasdiqlangan test-sinovlari orqali nazorat qilib borilishi haqida avval xabar berib o‘tgandik.

Shuni ham alohida ta’kidlash kerakki, bu kabi test-sinovlari o‘zbek futbolida ilk marta amalga oshirilayotgan bo‘lib, futbolchilarning jismoniy holati O‘zbekiston Futbol Assosiasiyasi rahbariyati tomonidan shaxsan nazorat qilib borilmoqda.

Belgilangan reja asosida yangi mavsum oldidan Superliga klublari futbolchilaridan test-sinovlari qabul qilingandi. Endilikda Pro-liga klublari futbolchilari ham normativlarni topshirishdi. Normativlar O‘FA Ilmiy-metodik bo‘limi mutaxassislari tomonidan zamonaviy innovasion texnologiyalar yordamida futbolchilardan qabul qilindi.

Qayd etish joizki, Pro-ligada ishtirok etadigan klublar tarkibidagi ba’zi futbolchilar test-sinovlaridan o‘ta olishmadi.

Jumladan:
“Orol” – 4 nafar
“G‘ijduvon” – 2 nafar
“Istiqlol” – 1 nafar
“Xorazm” – 2 nafar
“Sherdor” – 6 nafar
“Yozyovon” – 1 nafar
“Iftixor” – 2 nafar
“Labsa” – 3 nafar
“Lokomotiv BFK” – 2 nafar
“Nurafshon” – 4 nafar
“Sho‘rtan” – 1 nafar
“Zomin” – 5 nafar
“Xotira-79” – 5 nafar

Klublarda natijalari qoniqarsiz chiqqan futbolchilar vaqtinchalik Pro-liga bahslariga qo‘yilmaydi. Pro-liganing 3-turidan keyin ulardan qaytadan test-sinovlari olinadi.