«Istiqlol» darvozasiga ikkita gol urib, «Andijon»ning g‘alabasiga munosib hissa qo‘shgan hujumchi Davron Isoqov o‘yin haqidagi taassurotlari bilan o‘rtoqlashdi.
- Yaxshi o‘yin bo‘ldi. «Istiqlol» ham kuchli raqib edi. Mehmonda 0:4 hisobida g‘alaba qozongan bo‘lsak-da, uchrashuv biz uchun oson o‘tgani yo‘q. Birinchi bo‘limda uchta gol urganimizdan keyin ikkinchi bo‘limda biroz xotirjamroq harakat qildik. Chunki o‘yin taqdirini deyarli birinchi bo‘limda hal qilib bo‘lgandik. Chunki biz yaxshi tayyorgarlik ko‘rgandik. «Istiqlol» dastlabki turda g‘alaba qozongandi. Shu bois biz ham jiddiy hozirlik ko‘rdik. Muxlislar oldida yuzimiz yorug‘ bo‘lganidan xursandmiz. Bundan keyin ham ishqibozlarimizni xursand qilishga harakat qilamiz.
- Albatta, ikkita gol urganimdan xursandman. Jamoadoshlarim ham menga qulay imkoniyatlarni yaratib berishdi. Endi keyingi o‘yinimiz O‘zbekiston Kubogi doirasida «Navbahor»ga qarshi kechadi. Ushbu bellashuvda ham g‘alabali yurishimizni davom ettiramiz degan umiddaman.
«Andijon» matbuot xizmati.
