Farg‘onaning "Neftchi" jamoasini oldinda 2 ta safar bahsi kutmoqda. Farg‘onaliklar 16 aprel kuni O‘zbekiston Kubogi 1/16 final bosqichida G‘uzorning "Sho‘rtan" jamoasi mehmoni bo‘lishadi. Vakillarimiz 20 aprel kuni esa Superliga navbatdagi tur doirasida Navoiyda "Qizilqum"ga qarshi maydonga tushishadi.
Vodiy klubi ertaga mazkur o‘yinlarni o‘tkazish uchun safar boshlaydi. Jamoa vakillari tongda Qarshi shahriga otlanishadi. 16 aprel kuni "Sho‘rtan"ga qarshi o‘yindan so‘ng jamoa a’zolari Qarshi shahridayoq "Qizilqum"ga qarshi o‘yinga tayyorgarlikni boshlashadi. Qarshidagi 2 kunlik mashg‘ulotlardan so‘ng jamoa Navoiyga yo‘lga chiqadi.
"Neftchi" matbuot xizmati