Bugun "Qo‘qon-1912" O‘zbekiston Kubogi 1/16 final doirasida “Zomin” jamoasiga qarshi safarda to‘p suradi.
Qo‘qonliklar mazkur o‘yinga jiddiy tayyorgarlik ko‘rishdi. Bu yil yangi formatda o‘tayotgan kubok bahslarida “Qo‘qon-1912” muvaffaqiyatli ishtirok etishni maqsad qilgan.
Aytgancha, “Zomin” va “Qo‘qon-1912” jamoalari 2012 va 2014 yillarda O‘zbekiston chempionati birinchi liga (hozirgi Pro-liga) bahslarida o‘zaro to‘rt marta maydonga tushishgan. Barcha uchrashuvda qo‘qonliklarning qo‘li baland kelgan.
Shuningdek, "Qo‘qon-1912" Zominda 2012 yili 3:1, 2014 yilda esa 3:0 hisobida g‘alaba qozongan. Qo‘qonda o‘tgan uchrashuvlarda esa 2012 yil 4:1, 2014 yil 5:0 hisobi qayd etilgan.
