"Navbahor" hamda "Neftchi" (1:1) jamoalari o‘rtasidagi bahsdan so‘ng o‘tkazilgan matbuot anjumanida "Neftchi" bosh murabbiyi Abdumalik Hakimov va uchrashuvning eng yaxshi futbolchisi Xurshid Asqaraliyevlar ishtirok etishdi

Abdumalik Hakimov: Birinchi o‘rinda, Farg‘onadan Namangandagi o‘yinga kelgan va bizni qo‘llab-quvvatlagan muxlislarimizga rahmat aytib qolaman.

Jarohatlar bilan o‘yinga yetib keldik. Agar hozir xar birini sanab o‘tsam, yarim jamoani sanashga to‘g‘ri keladi. Shu sabab o‘yinda to‘xtalishlar ko‘p kuzatildi.

Jamoamizga rahmat aytib qolaman. Bugun ular matonat bilan kurashishdi. "Navbahor" uyda ham safarda chiroyli va mazmunli o‘yin kursatadi.

Kuchli raqib deb hisoblayman. O‘yin bo‘yicha, rejamiz birinchi gol o‘tkazib yubormaslik va qarshi hujumdan foydalanish edi.

Yigitlar hamma ko‘rsatmalarni to‘g‘ri bajarishdi. Yosh hujumchimiz Xurshidbek Asqaraliyevga ishonch bildirib maydonga tushirgandik.

Ishonchni esa oqladi. G‘alaba sari biroz e’tibor yetishmadi deb o‘ylayman. Ha, goldan keyin biroz e’tiborsizlikka berildik. G‘alabaga teng durang deyish mumkin.