11 may kuni «Markaziy» stadionida Pepsi Superliganing 11-turi markaziy uchrashuvi bo‘lib o‘tadi. Unda «Nasaf» Toshkentning «Paxtakor» jamoasini qabul qiladi. Ushbu o‘yin soat 18:30da boshlanadi.
Shu kuni futbol ishqibozlari nafaqat shiddatli uchrashuvga guvoh bo‘lishlari, balki qator qiziqarli tadbirlar ishtirokchisi ham bo‘lishadi.
Bahsdan oldin hamda tanaffus vaqtida, muxlislar uchun qarshilik estrada xonandasi Xurshid Rustamov ijrosidagi konsert dasturi taqdim etiladi.
Shu kuni stadionga kelgan tomoshabinlar uchun lotereya o‘yini ham o‘tkaziladi. Unda 4 dona MDC smartfoni hamda 4 juft sport kiyimi o‘z egasini topadi.
Muxlislar uchun yana bir ma’lumot, «Nasaf» – «Paxtakor» uchrashuvi chiptalari 10 may kuni ertalabdan sotuvga chiqariladi. Chiptalar stadionimiz qoshidagi chiptaxonalar orqali sotiladi.
«Markaziy» stadionga marhamat qiling!
