Sizga qiziqarli intervyularni taqdim etishda davom etamiz. Bugungi suhbatdoshimiz, «Buxoro» vakili, taniqli hujumchi Bahodir Nasimov bo‘ldilar...
Avvalo, futbolga kirib kelishingiz haqida gaplashsak...
-YOshligimda, aslida muay tay sport turi bilan shug‘ullanganman. Hattoki, ushbu sport turida yoshlar bo‘yicha O‘zbekiston chempioni ham bo‘lganman. Keyinchalik futbolga bo‘lgan mehrim, qiziqishim meni katta futbolga yetaklab keldi.
Birinchi olgan maoshingiz qancha edi? Uni nimaga sarf qilgansiz?
- Birinchi olgan maoshim 15ming so‘m edi. Olgan maoshlarimni hammasini ota-onamga berardim.
Hayotingizdagi keskin burilish bilan yodingizda qolgan hodisa nima?
- Menimcha, bu “Rubin“dan menga taklif tushishi bo‘lgan.
Nimaga “Rubin” jamoasida o‘ynab ketolmadingiz?
- “Rubin” jamoasida raqobat kuchli edi. Ustiga ustak men yosh edim. Yana hammaga ma’lumki Rossiya chempionati juda kuchli. Shu jihatlar tufayli “Rubin“da o‘ynab ketishim qiyin bo‘lgan. Balki hozir borsam o‘ynab ketarman...
Legioner bo‘lishning foydasi nimada deb o‘ylaysiz?
- Legioner futbolchidan ko‘p narsa talab qilinadi. O‘z-o‘zidan futbolchi o‘z ustida ishlab, o‘yini kuchayib boradi. Jamoada o‘z o‘yinini topib o‘ynab ketsa va gollar ursa, muxlislar hurmatiga sazovor bo‘ladi. Do‘stlari ko‘payadi.
Faoliyatingizdagi eng chiroyli gol qaysi?
- Eng chiroyli golim bu- Hamdo‘stlik kubogida «Bunyodkor» safida “Dachiya” (Moldova) ga urgan golim.
«Buxoro» bu mavsum oldiga qanday maqsadlarni qo‘ygan?
- Bu mavsum «Buxoro» birinchi navbatda kuchli “oltilik“ka kirishni maqsad qilgan. Xudo xohlasa, kuchli “oltilik“ka kirsak, keyin, chempionlik uchun ham kurashishimiz mumkin.
Qaysi jamoaga muxlislik qilasiz?
- “Atletiko Madrid” ga jamoasiga.
Qaysi futbolchilarning o‘yini sizga yoqadi?
- Didye Drogba va Fernando Torresning maydondagi xatti-harakatlari menga juda yoqadi.
O‘zbekistondagi eng kuchli futbolchi kim?
-O‘zbekistondagi eng kuchli futbolchi bu- Odil Ahmedov.
Futbolda eng yaqin do‘stlaringiz kimlar?
-Futbolda do‘stlarim juda ko‘p. Ular Odil Ahmedov, Sanjar Tursunov, Shavkat Salomov, Shavkat Mullajonov hamda Artyom Filiposyan.
Orzu va armoningiz bormi?
- Armon bu 2014- va 2018- yillarda JCH ga chiqolmaganimiz bo‘lsa kerak... Orzum yoshlarimiz biz qilolmagan ishni qilishsin, 2022-yil Qatarda bo‘lib o‘tadigan JCH da ishtirok etishsin.
Nima deb o‘ylaysiz nima sababdan JCH ga chiqolmadik?
