Ispaniyaning As gazetasi Zinedin Zidanning "Real"dan ketishi sabablari ehtimoli haqida material chop etdi.

Gazetada yozilishicha, fransiyalik mutaxassisning klub prezidenti Florentino Peres bilan munosabatlari yomonlashgan. Prezident murabbiyning istagidan tashqari transferlarni mo‘ljallagan. Gap "Atletik" darvozaboni Kepe Arrisabalage, Robert Levandovski ("Bavariya") va Neymar ("PSJ") haqida ketmoqda. Bu futbolchilarning xizmatlariga Zidan qiziqmagan.

Shuningdek, murabbiyni Krishtianu Ronaldu va Garet Beylning noaniq kelaagi tashvishga solgan.

Yana mavsum o‘rtasida OAV Yoaxim Lev va Maurisio Pochettino kabi murabbiylarni "Real" bilan bog‘laganlarida Zidan klub rahbariyatining qo‘llab-quvvatlashini sezmagan.

Zidan "Real"da o‘zidan oldingi 6 murabbiy qo‘lga kiritgan sovrinlar miqdoriga ega bo‘ldi.