OFKdan jahon chempionatiga ilk marta 5ta terma yo‘l oldi. 14 maydan boshlab barcha 32 ishtirokchi singari ular ham kengaytirilgan tarkiblarini e’lon qilishdi.
Quyida har bir jamoa murabbiylari tuzgan ro‘yxatga nazar tashlab, undan joy olgan futbolchilar haqida ma’lumot beramiz va avvalgi mundialdagi tarkibiga solishtirib, farqlar haqida so‘z yuritamiz.
ERON
5-marta jahon chempionatiga yo‘l olgan mazkur terma biror marta guruhdan chiqa olmagan. Bu safar ham u o‘ta murakkab kvartetga tushib qoldi.
Lekin ispaniyalik funksionerlar Eronni mundialdagi eng ayyor va kutilmagan taktikalar bilan tayyorlangan jamoa, deb hisoblamoqdalar.
Eron terma jamoasi tarkibi:
Legionerlar - 14 nafar
Milliy chempionat vakillari - 10 nafar
Klub Soni
Istiqlol T 4
Persepolis 2
Saypa 2
Zob-Ohan 1
Padideh 1
Olimpiakos (Gresiya) 2
AYEK Afina (Gresiya) 1
Xerenven (Gollandiya) 1
AZ Alkmaar (Gollandiya) 1
Amkar (Rossiya) 1
Rubin (Rossiya) 1
Axmat (Rossiya) 1
Nottingem Forest (Angliya) 1
Maritimu (Portugaliya) 1
Ostersund (SHvesiya) 1
Oostende (Belgiya) 1
Al-Sadd (Qatar) 1
Al-Garafa (Qatar) 1
18 klub 24
Terma jamoa yetakchilaridan biri Mas’ud Shojayi 7 oylik chetlatishdan so‘ng yana terma jamoaga qaytdi. Ma’lumki, ushbu futbolchi Gresiyaning «Olimpiakos» klubi safida Isroil jamoasiga qarshi maydonga tushgani uchun terma jamoadan nomuayyan muddatga chetlatilgandi.
Eron davlatining siyosiy qarashlariga ko‘ra, fors sportchilarining isroillik sportchilar bilan har qanday turnirda bahs olib borishi man qilingan. Mundial arafasida federasiya Keyrushning qat’iy talabi bilan Shojayini afv etdi. Mas’ud 2006 va 2014 yilgi mundiallarda ham ishtirok etgan.
Terma jamoa safida eng yoshi ulug‘ futbolchilar - Pejman Montazari, Ehson Hojisafi, Ashkan Dejaga, Rizo G‘uchannajod, Alirizo Jahonbaxsh va sardor Shojayini inobatga olsak, 2014 yilgi tarkibdan atigi 6 nafar futbolchi qolibdi. Darvozabonlar tarkibi to‘liq yangilangan.
AVSTRALIYA
Avstraliya bu mundialga 22ta o‘yin o‘tkazib yo‘l oldi. U «pley-off» bosqichlarida Suriya va Gonduras to‘sig‘idan o‘tdi. Guruhda Fransiyaga nisbatan biroz qiynalishi mumkin, lekin keyingi bosqichdan bebahra qolish ular uchun katta omadsizlik bo‘ladi. Bert van Marveyk terma jamoani yangi taktika asosida tayyorlamoqda.
Avstraliya terma jamoasi tarkibi:
Legionerlar - 21 nafar
Milliy chempionat vakillari - 5 nafar
Klub Soni
Vestern Sidney Uonderers 1
Sidney FK 1
Melburn Viktori 1
Nyukasl Jets 1
Melburn Siti 1
Milluoll (Angliya) 2
Brayton (Angliya) 1
Xaddersfild Taun (Angliya) 1
Xall Siti (Angliya) 1
Aston Villa (Angliya) 1
KPR (Angliya) 1
Gerta (Germaniya) 1
Boxum (Germaniya) 1
Feyenoord (Gollandiya) 1
Seltik (SHotlandiya) 1
Genk (Belgiya) 1
Bursaspor (Turkiya) 1
Grassxoppers (SHveysariya) 1
Lozanna (SHveysariya) 1
Makkabi Xayfa (Isroil) 1
NK Lokomotiva (Xorvatiya) 1
Al-Ahli (Saudiya A.) 1
Suvon Samsung Blyuingz (J.Koreya) 1
Yokogama F. Marinos (YAponiya) 1
Urava Red Daymonds (YAponiya) 1
25 klub 26
Tim Keyxill uchta mundialda gol urgan yagona osiyolik futbolchi. Bu borada Aryen Robben va Robin van Persi unga sherik futbolchilardir. Agarda Rossiyadagi JCHda ham u to‘p kiritishga muvaffaq bo‘lsa, jahonda ham bu borada alohida o‘ringa ega bo‘ladi.
Terma jamoa sardori Mile Yedinak (2010, 2014) so‘nggi ikki mavsum Angliya Chempionshipida o‘ynadi. Shunday bo‘lsada, unga sardorlik bog‘ichi ishonib topshirildi. Terma jamoaning yana bir yulduzi Massimo Luongo aslida saviyasi Angliya Premyer-ligasiga loyiqligini isbotlash kerak.
2014 yilgi mundialda ham tarkibda bo‘lgan golkiper Mettyu Rayan ayni payt yuqori sport formasida. Demak, Bert van Marveyk ikki ustun orasi daxlsizligidan xavotir olmasa ham bo‘laveradi.
YAPONIYA
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
