"Paxtakor" darvozaboni "Buxoro" bilan uchrashuv arafasida o‘yin haqida fikrlarini bildirib o‘tdi.
- Davralar oralig‘idagi yig‘inni yaxshi o‘tkazdik deb o‘ylayman. Faqat sparring raqiblar borasida o‘zimiz xohlagan ba’zi rejalar amalga oshmadi.
"Buxoro"ga qarshi bellashuvga odatdagidek tayyorgarlik ko‘ryapmiz. Barcha futbolchilarning kayfiyati yaxshi. Birinchi davradagi mag‘lubiyat bizga bosim o‘tkazmasligi kerak. Biz uyda, muxlislarimiz qarshisida chiroyli futbol namoyish qilib, muhim g‘alabani qo‘lga kiritishimiz lozim. "Buxoro" jamoasida jismonan baquvvat o‘yinchilar ko‘p. Ular shu sababli ko‘proq uzun paslar yordamida o‘ynashga harakat qilishadi. Biz esa hujumkor futbol ko‘rsatishga intilamiz.
