"O‘zbekiston havo yo‘llari" milliy aviakompaniyasi London — Samara — London charter reysiga buyurtma oldi.

Sputnik xabariga ko‘ra, "O‘zbekiston havo yo‘llari" JCH-2018 chorak finalida Shvesiya - Angliya uchrashuvi uchun britaniyalik 240 muxlisni Samaraga olib keladi

Milliy aviakompaniya bundan avval 30 iyun kuni Meksika terma jamoas ma’muriyatining buyurtmasi bilan Vnukovo – Mexiko charter reysini amalga oshirgan edi.

Londondan Samaraga uchadigan reys Boeing 767 samolyotida amalga oshiriladi.

Bundan tashqari, "O‘zbekiston havo yo‘llari" tomonidan 6 iyul kuni Sochi - Qozon reysi bilan Fransiya - Urugvay o‘yiniga muxlislarni eltib qo‘ygan edi. Shuningdek, 2 iyul kuni Boeing 787 Dreamliner havo kemasida 230 meksikalik muxlis Mexikoga olib borib qo‘yilgan.