O‘zbekiston futbol assosiasiyasi tomonidan yurtimizda bolalar futbolini rivojlantirish, ular o‘rtasida sog‘lom turmush tarzini targ‘ib qilish yo‘nalishidagi chora-tadbirlarni amalga oshirish davom etmoqda.
O‘FA tomonidan tashkil qilinayotgan bolalar o‘rtasidagi musobaqalarning navbatdagisi Xorazm viloyati Xonqa tumanidagi “G‘ayrat” bolalar dam olish oromgohida bo‘lib o‘tdi. “Yoz o‘tmoqda soz” shiori ostida o‘tgan futbol musobaqasi ko‘tarinki ruhda tashkillashtirilib, ushbu musobaqa qatnashchilar va tomoshabinlarda katta taassurotlar qoldirdi.
Musobaqa ishtirokchilari O‘zbekiston futbol assosiasiyasi tomonidan taqdim qilingan esdalik sovg‘alari hamda sertifikatlar bilan taqdirlandilar.