"Paxtakor" bosh murabbiyi Navoiydagi uchrashuv arafasida bo‘lajak o‘yin haqida fikrlarini bildirdi.
- Mavsumning eng keskin pallasi boshlanmoqda. Har bir uchrashuvga jiddiy munosabatda bo‘lishimiz talab etiladi. Oldimizga o‘zimiz maydonga tushgan bellashuvlarda g‘alaba qozonish maqsadini qo‘yganmiz. Istalgan jamoa bilan o‘yin oson kechmaydi. Buni Farg‘onadagi uchrashuvda ko‘rdik. Jahon chempionati yakunlandi va muxlislarning stadionlarga qaytib, jamoalarni qizg‘in qo‘llab-quvvatlashlarini kutmoqdaman. Ular bilan futbol yanada chiroyli ko‘rinish oladi.
"Qizilqum"ni bilamiz, bu jamoa har bir raqibga jiddiy qarshilik ko‘rsatish salohiyatiga ega. Ular bilan uchrashuvda hushyorlikni yo‘qotmasdan harakat qilishimiz zarur bo‘ladi. Qolgan o‘yinlarda ishqibozlarimizni chiroyli futbol va g‘alabalar bilan xursand etishga intilamiz.
