Muhtaram muxlis! Yodingizda bo‘lsa, JCH-2010 Toni Kroos, Tomas Myuller, Sami Xedira, Mesut Ozil kabi yosh iqtidorlarni kashf etgandi.
Garchi o‘sha mundialda «qizil furiya» haqli ravishda g‘olib chiqqan bo‘lsada, futbol dunyosi mana shu bo‘lajak yulduzlarga alohida e’tibor qaratgandi.
Janubiy Afrikadagi mundial yakunlanishi bilan Joze Mourinyodek mashhur murabbiy Mesut Ozil va Sami Xedirani «Real»ga taklif qilgani bejiz emas. Oradan to‘rt yil o‘tib, biz tilga olgan yulduzlar Braziliyada chempionlik unvoniga ega chiqishdi.
JCH-2010da ham, JCH-2014da ham Lionel Messi va uning atrofida jamlangan afsungarlar Yoaxim Lyov boshqargan tafakkur mashinasiga bas kelolmagandilar. Ta’kidlash joizki, Lionel Messi hech qachon mahoratli sheriklarga ehtiyoj sezmagan. Uning yonida hamisha Serxio Aguero, Gonsalo Iguain, Anxel di Maria kabi iste’dodli futbolchilar to‘p surishgan.
Bu futbolchilarning mahoratiga ham biror muxlis shubha bildirmasligiga ishonchimiz komil. Sezib turibsizki, Argentina terma jamoasining Lionel Messi bayroqdor bo‘lgan bu avlodi endi jahon chempioni bo‘lishidan bo‘lmasligi aniqroq. Chunki bu avlodning oltin davri allaqachon ortda qolib ulgurdi.
Biz Aleksandr Geynrix, Server Jeparov, Temur Kapadze, Maksim Shaskix, Odil Ahmedov kabi futbolchilar ansambli imkoniyatidan foydalanib jahon chempionati final bosqichi yo‘llanmasi qo‘lga kiritilmaganidan afsuslarimiz ko‘kka o‘rlagan bir pallada Argentina terma jamoasi sakkiz yilda uchta mundial g‘olibligi uchun kurashib, maqsadiga yetolmadi. Bundan to‘rt yil avval marraga bir qadam qolganda qoqildi.
Qarangki...
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
