Pro-Liga bahslariga tayyorgarlik ko‘rayotgan “Dinamo” jamoasi Toshkentdagi ikkinchi nazorat bahsini Pro-Liga “V” guruhi vakili “Lokomotiv-BFK” jamoasiga qarshi o‘tkazdi.
O‘yinda to‘liq ustunlik qilgan “Dinamo” jamoasi a’zolari dastlabki bo‘limning o‘zida o‘yin taqdirini hal etishdi. Dastlab Pavel Purishkin hisobni ochgan bo‘lsa, Daler Almosjonov farqni ikkitga oshirdi. Uchinchi golga esa Jasur Azimov mualliflik qilgan bo‘lsa, bo‘lim yakunida Abbosbek Jumaqulov hisobni 0:4 ga yetkazdi.
Ikkinchi bo‘limda tarkibda bir qator o‘zgarishlar qilindi. O‘yin yakuniga qadar “Temiryo‘lchilar” ikkita gol urib, hisobni qisqartirishdi – 2:4.
«Dinamo» 30 iyul kuni jismoniy test-sinovlarni topshirsa, 31 iyul kuni «Nurafshon»ga qarshi maydonga tushadi.
O‘rtoqlik uchrashuvi.
Toshkent. 29 iyul (yakshanba)
“LOKOMOTIV-BFK” – “DINAMO” – 2:4 (0:4)
Gollar: Pavel Purishkin 21, Daler Almosjonov 35, Jasur Azimov 39, Abbosbek Jumaqulov 42.
«Dinamo»: Shohruh Raimov, Komil Sharofutdinov, Viktor Grigoryev, Akmal Xolmurodov, Avaz Agaliyev, Jasur Azimov, Ilhom Yunusov, Abbosbek Jumaqulov, Otabek Narzullayev, Dalyor Almosjonov, Pavel Purishkin.
Zaxiradan maydonga tushgan futbolchilar: Shohruh Eshbo‘tayev, Mirkomil Lokayev, Firdavs Abdusalimov, Damir Temirov, Jasur Ashurov, Sanjar Baratov.
