O‘zbekiston Respublikasi Prezidentining PQ-3610-sonli “Futbolni yanada rivojlantirish chora-tadbirlari to‘g‘risida”gi qaroriga asosan tashkil qilingan hududiy bolalar va o‘smirlar futbol akademiyalariga qabulning birinchi bosqichi 1 iyul kuni boshlanganidan futbol ixlosmandlarining xabarlari bor.
20 iyulga qadar davom etgan qabulning birinchi bosqichida mamlakatimizning har bir hududi, ya’ni Qoraqalpog‘iston Respublikasi, viloyatlar hamda Toshkent shahrida akademiyada o‘qishga nomzod bo‘lgan bo‘lajak yosh futbochilar o‘z iqtidorlarini namoyish etishdi.
Endilikda hududiy bolalar va o‘smirlar futbol akademiyalarga qabulning ikkinchi bosqichiga start berildi. 2-bosqich sinovlari 4ta yo‘nalish bo‘yicha o‘tkaziladi. Imtihonlarning ilk kunida Navoiy viloyati hamda Toshkent shahridan birinchi bosqichda yaxshi natija ko‘rsatgan bolalar ishtirok etishdi. Ular birinchi yo‘nalish bo‘yicha test sinovlarini topshirishmoqda. Unga ko‘ra birinchi yo‘nalishda, futbolchining qaysi pozisiyada yaxshi o‘yin ko‘rsatishi, qaysi chiziqda o‘ynashga iqtidori ko‘proq ekani aniqlab olinadi. Kirish imtihonlari shaffoflik bilan tashkil qilinib, O‘zbekiston futbol assosiasiyasi vakillari nazorati ostida o‘tkazilmoqda. Shuningdek, imtihon jarayoni videotasvirga olinib, O‘FAga taqdim qilinadi. Bundan tashqari OAVlar orqali ham yoritib boriladi.
Hududiy bolalar va o‘smirlar futbol akademiyalarga qabulning ikkinchi bosqichi taqvimi:
3 -21 avgust – Navoiy viloyati
3-20 avgust - Toshkent shahri
4-21 avgust – Surxondaryo viloyati
4-22 avgust – Samarqand viloyati
5-19 avgust – Jizzax viloyati
5 – 20 avgust - Toshkent viloyati
5 – 25 avgust – Andijon viloyati
6-22 avgust – Qashqadaryo viloyati
7-23 avgust – Sirdaryo viloyati
8-24 avgust – Namangan viloyati
8-24 avgust – Farg‘ona viloyati
8-24 avgust – Xorazm viloyati
9-24 avgust – Qoraqalpog‘iston Respublikasi
10-25 avgust – Buxoro viloyati
