Milliy olimpiya qo‘mitasining anjumanlar zalida O‘zbekiston milliy terma jamoasining bosh murabbiyi Ektor Kuper bilan matbuot anjumani tashkil qilindi.

Mutaxassis bu anjumanda “O‘zbekistonni jahon chempionatiga olib chiqishga va’da bera olasizmi?”, mavzusidagi savolga javob berdi.

“Jahon chempionati 4 yillikning eng katta musobaqasi. Dunyodagi barcha terma jamoalar ushbu musobaqada ishtirok etish uchun katta hajmdagi ish olib borishadi.

Futbolda oldindan natijani aniq aytishning ilojisi yo‘q.  O‘zbekiston terma jamoasini jahon chempionatiga olib chiqish uchun tinmay mehnat qilishga  va’da beraman. Qolganini esa vaqt ko‘rsatadi”, deydi Kuper.