Pro-Liga 3-davrasining dastlabki o‘yinida “Norin” bilan safardagi uchrashuvdan texnik g‘alaba bilan qaytgan “Dinamo” jamoasi o‘yin amaliyotisiz qolmoqda.
19-turda Haqqulobodga “Norin” bilan safarda o‘yin o‘tkazmagan “Dinamo” PFL taqvimiga binoan 20-turda ham dam oladi. Natijada bir oy davomida rasmiy o‘yinlarda maydonga tushmagan Davron Fayziyev jamoasi 15 avgustga qadar rasmiy o‘yinlarsiz qoldi.
Shu bois, murabbiylar shtabi qaroriga ko‘ra, “Dinamo” 10 avgust kuni Samarqand viloyati terma jamoasiga qarshi o‘rtoqlik uchrashuvida maydonga tushadi. Shu kuni viloyatimiz termasi safida 1999-2000 yillarda tug‘ilgan 17-18 yoshli futbolchilar ham ko‘rikdan o‘tkazilib, yangi mavsumdan “Dinamo” jamoasi safiga taklif etilishi mumkin. O‘rtoqlik bahsi Samarqand shahridagi “Lokomotiv” stadionida o‘tkaziladi.
O‘rtoqlik uchrashuvi.
10 avgust (juma).
Samarqand, “Lokomotiv” stadioni.
“DINAMO” – Samarqand viloyati terma jamoasi.
