O‘zbekiston Respublikasi Prezidentining PQ-3610-sonli “Futbolni yanada rivojlantirish chora-tadbirlari to‘g‘risida”gi qaroriga asosan tashkil qilingan hududiy bolalar va o‘smirlar futbol akademiyalariga qabulning birinchi bosqichi 1 iyul kuni boshlanganidan futbol ixlosmandlarining xabarlari bor.
Hozirda Respublikamizning barcha hududlari bo‘ylab bolalar va o‘smirlar futbol akademiyalariga qabul davom etayotgani haqida xabar berib o‘tgan edik. 2-bosqich imtihonlari 4 ta yo‘nalish bo‘yicha tashkil qilinadi.
Sinov jarayonlari shaffof tarzda o‘tishini ta’minlash maqsadida O‘zbekiston futbol assosiasiyasi vakillari nazorati o‘rnatilib, jarayonlar videotasvirga olinmoqda. OAV vakillari tomonidan qabul jarayonlari kuzatilib, voqealar rivoji yoritib borilmoqda.
Quyida Xorazm viloyati hududiy bolalar va o‘smirlar futbol akademiyalarida o‘tkazilayotgan qabul jarayonidan fotolavhalarni tomosha qilishingiz mumkin.