Ўзбекистон Республикаси Президентининг ПҚ-3610-сонли “Футболни янада ривожлантириш чора-тадбирлари тўғрисида”ги қарорига асосан ташкил қилинган ҳудудий болалар ва ўсмирлар футбол академияларига қабулнинг биринчи босқичи 1 июль куни бошланганидан футбол ихлосмандларининг хабарлари бор.
Ҳозирда Республикамизнинг барча ҳудудлари бўйлаб болалар ва ўсмирлар футбол академияларига қабул давом этаётгани ҳақида хабар бериб ўтган эдик. 2-босқич имтиҳонлари 4 та йўналиш бўйича ташкил қилинади.
Синов жараёнлари шаффоф тарзда ўтишини таъминлаш мақсадида Ўзбекистон футбол ассоциацияси вакиллари назорати ўрнатилиб, жараёнлар видеотасвирга олинмоқда. ОАВ вакиллари томонидан қабул жараёнлари кузатилиб, воқеалар ривожи ёритиб борилмоқда.
Қуйида Хоразм вилояти ҳудудий болалар ва ўсмирлар футбол академияларида ўтказилаётган қабул жараёнидан фотолавҳаларни томоша қилишингиз мумкин.
