Bugun "Paxtakor" murabbiylar shtabi va futbolchilari "Paxtakor-79" jamoasini yodga olishdi.
11 avgust kuni jamoa ertalabdan Superligada navbatdagi uchrashuvni o‘tkazish uchun Qo‘qonga yo‘l olishi sababli asosiy tarkib a’zolari bugun dastlab "Paxtakor" stadioni hududidagi yodgorlik oldida to‘planishdi.
Bu yerda ularga marhum murabbiy Idgay Tazetdinovning bevasi Alla Tazetdinova o‘sha jamoa haqida so‘zlab berdi. So‘ng Botkin qabristoni tomon yo‘lga chiqildi. U yerda qabrlar poyiga gullar qo‘yilib, o‘tganlar xotirasi uchun duo qilindi.
"Paxtakor" jamoasi hamisha 1979 yilgi aviahalokatda hayotdan ko‘z yumgan shonli jamoani yodda saqlaydi!
