"Manchester Yunayted" bosh murabbiyi Joze Mourinyo APLning 1-turida "Lester" ustidan qozonilgan g‘alabadan so‘ng (2:1) fikrlari bilan o‘rtoqlashdi.

"Yaxshi o‘yin. Bu o‘yinda menga 3 emas, 6 ta almashtirish kerak bo‘ldi. Marsialni tushirmoqchi edim, ammo bunday qila olmadim. Pogba 90 daqiqa o‘ynay olmaydi, Fred ham. Menga ko‘proq almashtirish kerak bo‘ldi.

"Lester" ma’lum vaziyatlarda ustunlik qildi, ammo bir jamoa bo‘lib buni uddaladik.

Yaxshi o‘ynab, g‘alaba qozonish muhim. Transferlar uchun bizdan ko‘proq sarflagan juda yaxshi amoaga qarshi yaxshi o‘ynadik. Biz sifat tomonidan o‘zimiz tengi jamoalarga qarshi o‘ynashga ko‘nikishimiz kerak. Har bir jamoa yaxshi jamoa, nomni, tarixni, formani unuting.

BU mavsum bir biz uchun emas, barcha uchun qiyin bo‘ladi. Bir necha oyga oldindan rejalarim bor edi, ammo bozor yopildi, hozir o‘zim xohlamagan holatga tushib o‘tiribman. Bu haqida oxirgi gapim. Bo‘ldi, bozor yopildi", - deydi Mourinyo.