"Манчестер Юнайтед" бош мураббийи Жозе Моуриньо АПЛнинг 1-турида "Лестер" устидан қозонилган ғалабадан сўнг (2:1) фикрлари билан ўртоқлашди.

"Яхши ўйин. Бу ўйинда менга 3 эмас, 6 та алмаштириш керак бўлди. Марсиални туширмоқчи эдим, аммо бундай қила олмадим. Погба 90 дақиқа ўйнай олмайди, Фред ҳам. Менга кўпроқ алмаштириш керак бўлди.

"Лестер" маълум вазиятларда устунлик қилди, аммо бир жамоа бўлиб буни уддаладик.

Яхши ўйнаб, ғалаба қозониш муҳим. Трансферлар учун биздан кўпроқ сарфлаган жуда яхши амоага қарши яхши ўйнадик. Биз сифат томонидан ўзимиз тенги жамоаларга қарши ўйнашга кўникишимиз керак. Ҳар бир жамоа яхши жамоа, номни, тарихни, формани унутинг.

БУ мавсум бир биз учун эмас, барча учун қийин бўлади. Бир неча ойга олдиндан режаларим бор эди, аммо бозор ёпилди, ҳозир ўзим хоҳламаган ҳолатга тушиб ўтирибман. Бу ҳақида охирги гапим. Бўлди, бозор ёпилди", - дейди Моуриньо.