Xabaringiz bor, O‘zbekiston U-21 terma jamoasi ayni kunlarda Xitoyda davom etayotgan Xalqaro musobaqada ishtirok etmoqda.
Vakillarimiz Tojikiston terma jamoasini kichik hisobda mag‘lub etishgan bo‘lsa, Myanma terma jamoasi darvozasiga javobsiz ikkita gol kiritishdi.
Ertaga Sunnatilla Abdurasulov shogirdlari musobaqa mezbonlari Xitoy terma jamoasiga qarshi bahs o‘tkazishadi. Futbolchilarimiz ertangi bahs oldidan bugun yengil mashg‘ulotlarda ishtirok etishdi.
O‘zbekiston U-21 - Xitoy U-21 uchrashuvi 8 sentyabr kuni Toshkent vaqti bilan soat 16:35da boshlanadi.
