Bugun Italiya chempionati 4-turi start oladi. Mazkur turda bizni ko‘plab qiziqarli qarama-qarshiliklar kutmoqda.

Bugun 4-turdan o‘rin olgan 3 ta uchrashuv bo‘lib o‘tadi. “Inter”  o‘zida “Parma”ni qabul qilsa, “Napoli” “Fiorentina”ni sinovdan o‘tkazadi. Bugungi kundan o‘rin olgan so‘ngi uchrashuv “Frozinone” va “Sampdoriya” qarama qarshiligi kutib turibdi.

“Inter” – “Parma”

Stadion: “Juzeppe Meassa”

15 sentyabr, 20:00.

Luchano Spalletti shogirdlari o‘tgan turda “Yuve”ga qiyinchilik to‘g‘dira olgan “Parma”ni qabul qiladi. “Inter”  so‘ngi 3 ta o‘yindan beri kamida 2 tadan gol o‘tkazib yubormoqda. “Parma” so‘ngi bor “A” Seriya bahslarida  Milanda 1999 yil g‘alaba qozongan edi. Hozirga qadar jamoa 15 ta uchrashuvda mag‘lub bo‘lgan va 8 ta o‘yinda durrang o‘ynagan.

Taxminiy tarkiblar:

Inter – Xandanovich, Asamoa, Shkriniyar, De vrey, D’Ambrasio, Naingolan, Galyardini, Brozovich, Politano, Perishich, Keyta.

Parma – Sepa, Gobbi, Galyolo, Alvesh, Yakoponi, Rigoni, Shtulas, Barilla, Jervinyo, Ingleze, Di Gaudio.

“Napoli” – “Fiorentina”

Stadion: “San-Paolo”

15 sentyabr, 21:00

Karlo Anchelotti shogirdlari bu safar “Fiorentina”ga qarshi maydonga tushishadi. O‘tgan turda kutilmaganda yutqazib qo‘ygan “Napoli” bu turda faqat g‘alaba uchun maydonga tushishi tabiy. Shuningdek, jamoa bu safar o‘z muxlilari qarshisida o‘ynaydi. O‘tgan mavsum bu ikki jamoa o‘rtasidagi uchrashuv nursiz durrang bilan yakunlangan edi. “Napoli” so‘ngi 5 ta uchrashuvdan beri “Fiorentina”ga yutqazmayapti 4 ta g‘alaba va 1 ta durrang.

Taxminiiy tarkiblar:

“Napoli” – Ospina, Xisay, Albiol, Kulibali, Mariu Rui, Gamshik, Allan, Zyelinski, InsinYE, Milik, Kalyexon.  

“Fiorentina” – Dragovski, Biragi, Xyugo, Pesselya, Milenkovich, Fernandes, Jerson, Kyeza, Benassi, Eysserik, Simeone.

“Frozinone” – “Sampdoriya”

Stadion: “Stadio Benito Stirpe”

15 sentyabr, 23.30.

Stadionini tamirdan chiqarib olgan “Frozinone” o‘z maydoni muxlislarini xursand qilishga tayorlangan edi. Ammo, Italiya futbol federatsiyasi “Frozinone”ni navbatdagi ikki uchrashuvini muxlislarsiz o‘tkazishni buyurdi. Biroq klub ushbu qarordan norozi bo‘lib, ariza topshirdi. Hozircha javob kelganicha yo‘q.

“Sampdoriya” “Napoli”ni yirik hisobda mag‘lub etgandan so‘ng uchrashuv favoritiga aylanib oldi. Agar, uchrashuv yopiq eshiklar ostida bo‘ladigan bo‘lsa, mezbonlarga yanada qiyin bo‘lishi aniq.

Taxminiiy tarkiblar:   

Frozinone – Sportyello , Brigenti, Salamon, Krayns, Zampano, Chibsa, Mayello, Krizetig, Molinaro, Chiano, Perisa.

Sampdoriya – Audero, Bereshinski, Andersen, Tonelli, Murru , Linetti, Barreto, Ekdal, Ramires, Kvalyarella, Defrel.

Qobiljonov Jaloliddin