"Yuventus" hujumchisi Krishtianu Ronaldu "The Best" sovrini Luka Modrichga berilgani uchun FIFAni kechira olmayapti. Portugaliyalik futbolchi FIFA marosimiga kelmadi. Ronaldu o‘zining Instagramdagi rasmiy sahifasi orqali FIFA va Modrichning ustidan kulishga qaror qildi.
U o‘z muzeyidan olingan foto-suratlarni Instgramga joylab: "Bu sovrinlarni hech kim o‘g‘irlay olmaydi. Ular yaxshi qo‘riqlanmoqda", – deya izoh qoldirdi.
Shu tariqa, u Modrichning g‘alabasini haqqoniy deb hisoblamasligiga ishora qildi. UYEFA va FIFA Lukani yilning eng yaxshi futbolchisi deb e’lon qilib, unga tegishli bo‘lishi kerak bo‘lgan sovrinlarni o‘g‘irlab qo‘ydi, deb hisoblaydi Ronaldu.
Krishtianuning aksariyat obunachilari mazkur surat uchun Krishtianuni keskin tanqid qilishgan. Jumladan, uni sobiq jamoadoshiga nisbatan hurmatsizlik qilganlikda ayblashdi.