"Ювентус" ҳужумчиси Криштиану Роналду "The Best" соврини Лука Модричга берилгани учун ФИФАни кечира олмаяпти. Португалиялик футболчи ФИФА маросимига келмади. Роналду ўзининг Инстаграмдаги расмий саҳифаси орқали ФИФА ва Модричнинг устидан кулишга қарор қилди.
У ўз музейидан олинган фото-суратларни Инстграмга жойлаб: "Бу совринларни ҳеч ким ўғирлай олмайди. Улар яхши қўриқланмоқда", – дея изоҳ қолдирди.
Шу тариқа, у Модричнинг ғалабасини ҳаққоний деб ҳисобламаслигига ишора қилди. УЕФА ва ФИФА Лукани йилнинг энг яхши футболчиси деб эълон қилиб, унга тегишли бўлиши керак бўлган совринларни ўғирлаб қўйди, деб ҳисоблайди Роналду.
Криштианунинг аксарият обуначилари мазкур сурат учун Криштиануни кескин танқид қилишган. Жумладан, уни собиқ жамоадошига нисбатан ҳурматсизлик қилганликда айблашди.
