“Yuventus” hujumchisi Krishtianu Ronaldu amerikalik qiz Ketrin Mayorgani zo‘rlashda ayblanayotgani haqida xabar bergan edik. Bundan xabar topgan Ronaldu yolg‘on xabar tarqatgan Germaniyaning Spiegel nashrini sudga berishini aytgandi.
Bugun Youtube’da Ronalduning Mayorga bilan tungi klubda raqs tushayotgani tasvirlangan videosi tarqaldi.
Kuni kecha futbolchining Ketrin bilan xuddi shu klubda raqsga tushayotgan aks etgan suratlari ham tarqalgandi. Videoda Ronalduning raqsga tushayotgani va qiz bilan yaqin munosabatda ekanligi ko‘rinib turibdi.
Ammo bugun Krishtianu Ronaldu o‘zi haqidagi ayblovlarni rasman inkor etdi.
“Barcha ayblovlarni rad etaman. Zo‘rlash - bu men ishongan, hamma narsaga zid bo‘lgan dahshatli jinoyatdir. O‘zimni oqlashga qancha urinsam ham, OAVda namoyish etilgan o‘yinda ishtirok etishdan bosh tortaman. Uni tashkil qilgan odamlar mening nomim hisobiga mashxurlikka erishmoqchi. Tergov natijalarini sof tushuncha va to‘liq xotirjamlik bilan kutmoqdaman”, deya yozgan portugaliyalik futbolchi.
Ayni paytda Mayorga futbolchi ustidan sudga ariza yozgan. Mazkur hodisa 2009 yil Las-Vegas shahrida sodir bo‘lganligi aytilmoqda. Ronaldu 2010 yil uning “og‘zini yopish” uchun 375 ming dollar bergan ammo oradan 9 yil o‘tib, Ketrin surat va videolarni ommaga tarqatib yuborgan.
Mayorga advokatining aytishicha, futbolchi Ketrin bilan uchrashganin inkor etmayapti. Ronalduga qo‘yilayotgan ayblovlar haqiqat yoki yolg‘on ekanligini yaqin kunlarda bo‘lib o‘tadigan tergov natijalaridan so‘ng ma’lum bo‘ladi.
