“Ювентус” ҳужумчиси Криштиану Роналду америкалик қиз Кэтрин Майоргани зўрлашда айбланаётгани ҳақида хабар берган эдик. Бундан хабар топган Роналду ёлғон хабар тарқатган Германиянинг Spiegel нашрини судга беришини айтганди.
Бугун Youtube’да Роналдунинг Майорга билан тунги клубда рақс тушаётгани тасвирланган видеоси тарқалди.
Куни кеча футболчининг Кэтрин билан худди шу клубда рақсга тушаётган акс этган суратлари ҳам тарқалганди. Видеода Роналдунинг рақсга тушаётгани ва қиз билан яқин муносабатда эканлиги кўриниб турибди.
Аммо бугун Криштиану Роналду ўзи ҳақидаги айбловларни расман инкор этди.
“Барча айбловларни рад этаман. Зўрлаш - бу мен ишонган, ҳамма нарсага зид бўлган даҳшатли жиноятдир. Ўзимни оқлашга қанча уринсам ҳам, ОАВда намойиш этилган ўйинда иштирок этишдан бош тортаман. Уни ташкил қилган одамлар менинг номим ҳисобига машхурликка эришмоқчи. Тергов натижаларини соф тушунча ва тўлиқ хотиржамлик билан кутмоқдаман”, дея ёзган португалиялик футболчи.
Айни пайтда Майорга футболчи устидан судга ариза ёзган. Мазкур ҳодиса 2009 йил Лас-Вегас шаҳрида содир бўлганлиги айтилмоқда. Роналду 2010 йил унинг “оғзини ёпиш” учун 375 минг доллар берган аммо орадан 9 йил ўтиб, Кэтрин сурат ва видеоларни оммага тарқатиб юборган.
Майорга адвокатининг айтишича, футболчи Кэтрин билан учрашганин инкор этмаяпти. Роналдуга қўйилаётган айбловлар ҳақиқат ёки ёлғон эканлигини яқин кунларда бўлиб ўтадиган тергов натижаларидан сўнг маълум бўлади.
