Rossiyaning “Krilya Sovetov” klubi va O‘zbekiston terma jamoasi himoyachisi Vitaliy Denisov klubining bosh murabbiyi Andrey Tixonovning ketgani borasida fikr bildirib o‘tdi. Samaraliklarni Miodrag Bojovich qabul qilib oldi.
-Adrey Tixonovning iste’foga chiqishi oldindan ma’lum edimi?
"Bunday deyish qiyin. Bir tarafdan biz quyi o‘rinlardan edik. Boshqa tarafdan esa Andrey Valeryevich bilan futbolchilarning ishlashi qulay edi.
Futbolda murabbiylar iste’fosi bo‘lib turadi. Qarorni rahbariyat qabul qiladi, futbolchilar shunchaki rozi bo‘lishi lozim. Tixonov bilan yaxshi munosabatda qoldik.
Hozir bosh murabbiy Miodrag Bojovich. Uni jamoaga tanishtirishdi. Bojovich bilan “Lokomotiv”da ishlaganman. U bilan hech qanday muammo bo‘lmagan.
U jamoaga yo‘l ko‘rsatuvchi so‘zlarni aytdi. Tushunishim bo‘yicha u “Krilya”ni uzoq muddatdan buyon kuzatib yuribdi.
Bizga “Dinamo” bilan o‘yinda biroz jahldorlikni qo‘shishni iltimos qildi. Tushunsa bo‘ladi, chunki bir kunda taktik o‘zgarishni amalga oshirish juda qiyin.
Bojovich o‘sha o‘sha jiddiy, lekin kerak paytda bitta xazil bilan vaziyatni yumshatib ham yuboradi. Tanishtiruvda ham uning xazilini eshitdik”, deydi Vitaliy Denisov.
