Rossiyalik sobiq futbolchi Andrey Kanchelskis Namanganning “Navbahor” klubini boshqarishi mumkin. Bu haqda Rossiya OAVlari xabar bermoqda.

Ma’lumotlarga ko‘ra, Kanchelskisning “Navbahor”ga kelish masalasi deyarli hal bo‘lib ulgurgan.

Stadion.uz manbasiga ma’lum qilinishicha, avvalroq futbolchi Ro‘zim Ahmedov bilan mojarolarga aralashib qolgan Ilhom Mo‘minjonovning iste’fosi kutilmoqda.

Shuningdek, Mo‘minjonovning so‘nggi uch o‘yindagi qoniqarsiz natijalardan so‘ng Mo‘minjonovning Namangandan ketishi haqiqatga yaqinlashib qolgan.

Rossiyalik mutaxassis Andrey Kanchelskis “Navbahor”ni 20 oktyabr kuni Namanganda bo‘lib o‘tadigan “Buxoro”ga qarshi o‘yinda maydonga boshlab tushishi mumkin.

Ishonchli manbaning aytishiga ko‘ra, Kanchelskis ertaga, 7 oktyabr kuni rasman “Navbahor” bosh murabbiyi sifatida ommaga tanishtiriladi.