Россиялик собиқ футболчи Андрей Канчельскис Наманганнинг “Навбаҳор” клубини бошқариши мумкин. Бу ҳақда Россия ОАВлари хабар бермоқда.
Маълумотларга кўра, Канчельскиснинг “Навбаҳор”га келиш масаласи деярли ҳал бўлиб улгурган.
Stadion.uz манбасига маълум қилинишича, аввалроқ футболчи Рўзим Аҳмедов билан можароларга аралашиб қолган Илҳом Мўминжоновнинг истеъфоси кутилмоқда.
Шунингдек, Мўминжоновнинг сўнгги уч ўйиндаги қониқарсиз натижалардан сўнг Мўминжоновнинг Намангандан кетиши ҳақиқатга яқинлашиб қолган.
Россиялик мутахассис Андрей Канчельскис “Навбаҳор”ни 20 октябрь куни Наманганда бўлиб ўтадиган “Бухоро”га қарши ўйинда майдонга бошлаб тушиши мумкин.
Ишончли манбанинг айтишига кўра, Канчельскис эртага, 7 октябрь куни расман “Навбаҳор” бош мураббийи сифатида оммага таништирилади.
