O‘zbekiston olimpiya terma jamoasi kelasi yilning mart oyida Osiyo chempionati saralashida maydonga tushadi. O‘sha saralashga tayyorgarlik ko‘rish maqsadida Olimpiya terma jamoamiz ertaga Toshkentda yig‘inni boshlaydi.

Xabaringiz bor, avvalroq O‘zbekiston olimpiya terma jamoasini Mirjalol Qosimov boshqarishi haqida xabar qilingan edi. Ammo “Bunyodkor” klubi bosh murabbiyi sog‘lig‘i bilan bog‘liq muammolar tufayli Olimpiya terma jamoasini boshqara olmasligini ma’lum qilgan. Shunday bo‘lsada, o‘z tajribasi va maslahatlari bilan hamisha terma jamoaga yordam berishga tayyor ekanini ham bildirib o‘tdi.

Shundan so‘ng terma jamoaga xorijdan murabbiy olib kelish ishlari boshlab yuborildi. Ayni paytda O‘FA mutasaddilari bu masala borasida jiddiy ish olib borishmoqda. Ungacha O‘zbekiston olimpiya terma jamoasini taniqli mutaxassis Ravshan Haydarov katta murabbiy sifatida shug‘ullantirib turadi.

Ravshan Haydarov yoshlar bilan ishlash bo‘yicha katta tajribaga ega mutaxassis hisoblanadi. Jumladan, uning qo‘lostida O‘zbekiston U-23 terma jamoasi shu yilning yanvar oyida Xitoyda o‘tgan Osiyo chempionatida g‘oliblikka erishgan edi.

Ravshan Haydarov mazkur yig‘in davomida terma jamoaga nomzod bo‘lgan quyidagi futbolchilarni sinovdan o‘tkazib oladi.

Darvozabonlar:
Ergashev Umidjon"Nasaf"
Xamroyev Umidjon"Paxtakor"
Ziyovutdinov Nizom AGMK

Himoyachilar:
Kobilov Islom "Bunyodkor"
Alijonov Ilhom "Nasaf"
G‘ofurov Husniddin "Neftchi"
Alikulov Husniddin "Mash’al"
Nasrullayev Sherzod "Nasaf"
Saitov Dilshod "Nasaf"
Sattorov Xudoyshukur "Metallurg"
Rustamov Oybek "Qo‘qon-1912"

Yarim himoyachilar:
Abdullayev Abdulla "Bunyodkor"
Muxitdinov Sharof "Nasaf"
Ismoilov Abrorbek "Neftchi"
Urunov Oston "Navbahor"
Umirov Davron "Bunyodkor"
Nurulloyev Suxrob "Metallurg"
To‘xtasinov Nurillo "So‘g‘diyona"
Qodirqulov Sanjar "Bunyodkor"
Ikromov Farrux "Bunyodkor"
Rashidxonov Islom "Nasaf"

Hujumchilar:
Abdixoliqov Bobir "Nasaf"
Amonov Azizbek "Lokomotiv"
Mirahmadov Mirjahon "Bunyodkor"