Millatlar Ligasi 3-turining navbatdagi o‘yini o‘tkazildi.
Fransiya terma jamoasi o‘z maydonida Germaniyani qabul qilib, kichik farq bilan g‘alaba qozondi – 2:1. 14-daqiqada Kroos penaltini aniq amalga oshirib, Germaniyani hisobda oldinga olib chiqdi. 62-daqiqada Grizmann oradagi farqni yo‘qqa chiqarishga muvaffaq bo‘ldi.
O‘yinning asosiy vaqti tugashiga 10 daqiqa qolganida Grizmanning o‘zi 11 metrlik jarima zarbasidan unumli foydalanib, Fransiyaga g‘alaba keltirdi.
Fransiya – Germaniya 2:1
Gollar: 0:1 – 14, penalti Kroos, 1:1 – 62 Grizmann, 2:1 – 80, penalti Grizmann.
Fransiya – Lyoris, Varan, Lyuka Ernandes, Pavar, Kimpembe, Pogba, Kante (Nzonzi, 90), Matyuidi, Grizmann (Ndombele, 90), Jiru, Mbappe (Dembele, 86).
Germaniya – Noyer, Kerer, Xummels, Zyule, Shuls, Sane (Draksler, 75), Kroos, Ginter (Brandt, 83), Gnabri (Myuller, 88), Kimmix, Verner. Ogohlantirishlar: Ginter (29).
