15 oktyabrdan 16 oktyabrga o‘tar kechasi, Favqulodda vaziyatlar vazirligi qutqaruvchilari «Qamchiq» dovonida ob-havoning keskin pasayishi, kuchli shamol esishi va qor yog‘ayotganligi sababli chamasi 03:30 larda transport vositalari hamda yo‘lovchilarga yordam berish maqsadida kuzatuv va nazorat ishlari olib borayotgan vaqtida ikkita Damas rusumli avtomashinalarning buzulganligi sababli to‘xtab qolganligini aniqladi.
Avtomashinalarda sport musobaqalaridan Samarqandga uyga qaytayotgan 9 nafar 7 yoshdan 17 yoshgacha bo‘lgan maktab o‘quvchisi va 3 nafar murabbiy borligi aniqlandi.
«Qutqaruvchilar yo‘lovchilarni ‘Qamchiq’ maxsus qidiruv qutqaruv boshqarmasi binosiga olib keldi, u yerda issiq ovqat, issiq joy bilan taminladi, erta tongda esa avtomobilni ta’mirlab uylariga jo‘natdi», — deyiladi xabarda
