MLS chempionatining 2018 yilgi mavsumi o‘z nihoyasiga yetdi.
23 yildan buyon hozirgi formatda tashkil etib kelinadigan chempionat reglamentiga asosan, jamoalar ikki mintaqa – Sharqiy va G‘arbiy birinchiliklarga bo‘lingan holda 34 tadan o‘yin o‘tkazishadi va yakunda eng ko‘p ochko to‘plagan klub chempionlikka erishgan hisoblanadi. Bu mavsum Sharqiy mintaqada 71 ochko to‘plagan «Red Bulls» «Muxlislar qalqoni» unvoniga (bosh sovrin) sazovor bo‘ldi.
Endilikda ikki liganing eng yuqori oltiligiga kirgan 12 jamoa MLS kubogi uchun pley-off o‘yinlariga kirishadi. Bunda setkaning ikki tomoni ikki mintaqa uchun ajratiladi, natijada finalda Sharqiy va G‘arbiy ligalar vakillari o‘zaro to‘qnash keladi.
Kecha chempionatning hal qiluvchi uchrashuvlari bo‘lib o‘tdi. Tarkibida Zlatan Ibrahimovich ham bo‘lgan «Los-Anjeles Gelaksi» jamoasi o‘z maydonida Hyustonning «Dinamo»sini qabul qilib, 2:3 hisobida imkoniyatni boy berdi. Lon-Anjeles shahri vakillari yuqori oltilikka kirib, kubok uchun kurashni davom ettirish uchun bu o‘yinda g‘alaba qozonishlari kerak edi. Mag‘lubiyatdan so‘ng, jamoa mavsumni Sharqiy mintaqaning 7-o‘rnida yakunladi, Ibrahimovich esa 22 ta gol bilan mavsum to‘purarlari ro‘yxatida 2-o‘rinni egalladi.
Bu o‘yin bilan parallel ravishda ikkinchi ligada kechgan o‘yinda «Di Si Yunayted» safarda «Chikago Fayr» bilan ochkolarni bo‘lishib oldi – 0:0. Vashingtonliklar hujumchisi Ueyn Runi 90 daqiqa maydonda bo‘lib, gol kirita olmadi. Chempionat yakunlariga ko‘ra, «Di Si Yunayted» o‘z mintaqasida 4-o‘rinni egallab, kubok uchun kurashni davom ettiradigan bo‘ldi.
Sharqiy mintaqa:
G‘arbiy mintaqa:
MLS kubogi o‘yinlari 31 oktyabrdan boshlanib, 8 dekabr kuni bo‘ladigan final bahsi bilan yakuniga yetadi. Bunda ikki mintaqada 3-6 o‘rinni olgan jamoalar nimchorak, 1-2 o‘rin egalari chorak finaldan kurashga kirishadi.
