O‘zbekiston chempionatining 29-turi doirasida yana 3ta o‘yin bo‘lib o‘tdi.
"Bunyodkor" va "Paxtakor" jamoalari o‘rtasidagi o‘yinda tomonlar ochiq futbol namoyish qilib berishdi. O‘yinning birinchi bo‘limda har ikkala jamoa ko‘plab imkoniyatlardan foydalana olmadi. Nihoyat, bahsning 39-daqiqasiga kelib hisob ochildi. Temurxo‘ja Abduxoliqovning zarbasidan keyin "Bunyodkor" darvozaboni to‘pni qo‘ldan chiqarib yubordi. Bikmayev esa yaqin masofadan darvozani ishg‘ol qildi.
Oradan 2 daqiqa o‘tib esa Aziz Haydarov olis masofadan aniq zarba berib, ajoyib gol muallifiga aylandi. Ikkinchi bo‘limda hisobda oldinga o‘tib olish vazifasini "qaldirg‘ochlar" uddalashdi. Sardor Sobirxo‘jayev yaqin masofadan raqib darvozasini ishg‘ol qildi. O‘yin tugashiga 8 daqiqa qolganida Oleg Zoteev bosh bilan hisobni tenglashtirdi. 2:2.
"Temuryo‘lchilar"ning ochko yo‘qotishidan "Paxtakor" unumli foydalanib qoldi. Arveladze shogirdlari 3-daqiqadayoq "Buxoro" darvozasini ishg‘ol qilishdiyu, uyog‘iga ishlari ancha yengillashib ketdi. Natijada Buxorodagi stadionga yig‘ilgan muxlislar gollar shodasiga guvoh bo‘lishdi. Paxtakorchilar 6:2 hisobida g‘alaba qozonishdi.
Chempionat tugashiga 3 tur qolganida "Lokomotiv" va "Paxtakor" orasidagi farq 6 ochkoni tashkil qilmoqda. Hali bu jamoalarning o‘zaro o‘yini borligini inobatga olsak, chempionlik masalasi so‘nggi turda hal bo‘lishi ham mumkin.
"Qo‘qon-1912" klubi o‘z maydonida "Qizilqum" ustidan irodali g‘alabaga erishib, Superligada jon saqlab qolish uchun imkoniyatini oshirdi.
Superliga, 29-tur
"BUNYODKOR" - "PAXTAKOR" 2:2 (1:1)
Gollar: Aziz Haydarov (41), Sardor Sobirxo‘jayev (67) — Marat Bikmayev (39), Oleg Zoteev (82)
"BUXORO" - "PAXTAKOR" 2:6 (0:3)
Gollar: Akobir To‘rayev (61), San’at Shixov (72) — Dragan Cheran (3), Ismoil Gonsalvesh (35, 40), Tiago Bezerra (60), Farrux Sayfiyev (77), Jamshid Iskanderov (90+4)
"QO‘QON-1912" - "QIZILQUM" 2:1 (1:1)
Gollar: Murod Xolmuhammedov (45), Jasur Hakimov (77) — Ivan Nagayev (21)A - Guruhi
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Lokomotiv | 17 | 11 | 4 | 2 | 27-15 | 37 |
| 2 | Paxtakor | 17 | 9 | 4 | 4 | 30-13 | 31 |
| 3 | Navbahor | 17 | 7 | 4 | 6 | 17-14 | 25 |
| 4 | Bunyodkor | 17 | 7 | 3 | 7 | 25-21 | 24 |
| 5 | Metallurg | 17 | 4 | 4 | 9 | 10-25 | 16 |
| 6 | Buxoro | 17 | 3 | 1 | 13 | 13-34 | 10 |
| № | Jamoa | O‘yin | G‘alaba | Durang | Mag‘lubiyat | T-N | Ochko |
|---|---|---|---|---|---|---|---|
| 1 | Nasaf | 17 | 8 | 6 | 3 | 21-12 | 30 |
| 2 | Qizilqum | 17 | 8 | 3 | 6 | 23-22 | 27 |
| 3 | AGMK | 17 | 6 | 5 | 6 | 19-18 | 23 |
| 4 | Qo‘qon-1912 | 17 | 5 | 6 | 6 | 16-13 | 21 |
| 5 | So‘g‘diyona | 17 | 5 | 5 | 7 | 17-22 | 20 |
| 6 | Neftchi | 17 | 4 | 5 | 8 | 13-22 | 17 |
