Andijon viloyati bolalar va o‘smirlar futbol akademiyasining turli yoshdagi tarbiyalanuvchilar Respublikamiz bo‘ylab o‘tkazilayotgan musobaqalarda ijobiy natijalar qayd etishmoqda.

Jumladan, joriy yilning 7-13 noyabr kunlari Qarshi shaxrida O‘zbekiston Futbol Assosiasiyasi tomonidan o‘tkazilgan tayyorlov guruhlari o‘rtasidagi “O‘zbekiston birinchiligi” musobaqasida Shokir Galimov boshchiligidagi  U-16 jamoasi faxrli 2-o‘rinni qo‘lga kiritdi. Shuningdek, 5-10 noyabr kunlari Namangan shahrida o‘tkazilgan “O‘zbekiston birinchiligi” musobaqasida qatnashgan Lochinbek Guldayev boshchiligidagi akademiyaning U-12 jamoasi ham 2-o‘rinni qo‘lga kiritdi.

7-13 oktyabr kunlari Toshkent shahrida o‘tkazilgan 14 yoshgacha bo‘lgan futbolchilar o‘rtasidagi “O‘zbekiston birinchiligi” musobaqasida esa Yazgeldi Kutdanov boshchiligidagi futbolchilar 3-o‘rin bilan kifoyalanishgandi. 15-20 sentyabr kunlari Toshkent shahrida bo‘lib o‘tgan yana bir “O‘zbekiston birinchiligi” musobaqasida futbol akademiyasining U-17 jamoasi  Yodgorbek Xurxonov boshchiligida 2-o‘rinni qo‘lga kiritgan.

Andijon viloyati bolalar va o‘smirlar futbol akademiyasida sovrindor bo‘lgan akademiya tarbiyalanuvchilarini taqdirlash marosimi bo‘lib o‘tdi. Marosimda  Viloyat hokimligi, viloyat Jismoniy tarbiya va sport boshqarmasi, Andijon viloyat Futbol Assosiasiyasi, "Andijon” jamoasi, Yoshlik jismoniy tarbiya va sport  jamiyati mas’ullari va tarbiyalanuvchilar ota-onalari, muxlislar ishtirok etishdi.