“Manchester Yunayted” rahbariyati Pol Pogbani sotishga ruxsat bermayati

Klubda futbolchi va murabbiy o‘rtasida kichik kelishmovchiliklar sodir bo‘lgan, lekin shunga qaramay, rahbariyat jahon chempionini boshqa jamoaga o‘tishiga qarshi chiqmoqda.

“Manchester Yunayted” fransiyalik yarim himoyachi Pol Pogbani yanvar oyida “Yuventus”ga sotmasligini ma’lum qildi, deb xabar bermoqda ESPN nashri.

Pogba shanba kuni APL doirasida “Fulxem” bilan o‘yinda maydonga tushmadi. Keyingi tur doirasida “Arsenal”ga qarshi o‘yinda esa 75-daqiqada maydonga tushirildi.

Avvalroq “MYU” bosh murabbiyi Joze Mourinyo Pol Pogbani vise-sardorlikdan mahrum etgandi. Biroq klubda shunday mojarolar yuzaga kelayotgan bo‘lsa ham rahbariyat fransiyalikni qo‘yib yuborishni istamayapti.

Ma’lumot uchun, Pol Pogba “Manchester Yunayted” tarbiyalanuvchisi hisoblanib, “qizil iblislar” 2016 yil amaldagi jahon chempionini “Yuventus”dan 105 million yevroga qayta sotib olib, u bilan 5 yillik shartnoma imzolagan edilar.