Angliya chempionatining 20-turi doirasida "Manchester Siti" klubi safarda "Sautgempton" mehmoni bo‘lib ishonchli g‘alabani qo‘lga kiritdi.

"Shaharliklar" tezkor gol urishga muvaffaq bo‘lishdi. O‘ng qanot bo‘ylab tashkil etilgan hujumni David Silva samarali yakunlab, hisobni ochdi.

Uchrashuvning eng "qaynoq" pallasi birinchi bo‘limning so‘nggi daqiqalariga to‘g‘ri keldi. Bo‘lim tugashiga 8 daqiqa qolganida Xeybyerg hisobni tenglashtirdi. Tanaffus arafasida esa mehmonlar bir emas, ikki marta raqib darvozasini ishg‘ol etishdi. Dastlab "Sautgempton" futbolchisi o‘z darvozasini ishg‘ol qilib qo‘ygan bo‘lsa, qo‘shib berilgan daqiqalarda Serxio Aguero hisobni 1:3 ko‘rinishiga keltirdi.

Ikkinchi bo‘limda esa darvozalarga boshqa to‘p kiritilmadi.

Shu tariqa, "Manchester Siti" o‘z ochkolarini 57taga yetkazib, jadvalda 2-o‘ringa ko‘tarilib oldi. Jamoalar peshqadam "Liverpul" 7 ochko ortda qolmoqda.

APL, 20-tur
Sautgempton – Manchester Siti 1:3 (1:3, 0:0)
Gollar: 0:1 – 10 Silva, 1:1 – 37 Xeybyerg, 1:2 – 45, avtogol Uord-Prouz, 1:3 – 45+3 Aguero.
Sautgempton – Makkarti, Stivens, Bednarek, Targett, Remzi, Lemina (Redmond, 46), Romeu (Valeri, 59), Xeybyerg, Elyunussi, Uord-Prouz, Ostin (Long, 68).
Manchester Siti – Ederson, Laport, Kompani, Danilo, Zinchenko, Silva, Fernandinyo (Uoker, 86), Marez (Sane, 84), Bernardu Silva, Sterling, Aguero (Gabriel Jezus, 73).
Ogohlantirishlar: Aguero (32), Ostin (58), Kompani (72), Bednarek (73), Danilo (78).
Chetlatish: Xeybyerg (85).

Byornli – Vest Xem 2:0 (2:0, 0:0)
Gollar: 1:0 – 15 Vud, 2:0 – 34 Maknil.
Byornli – Xiton, Tarkovski, Teylor, Bardsli, Mi, Gudmundsson, Kork, Vestvud, Maknil, Barns, Vud (Vouks, 90).
Vest Xem – Fabianski, Ogbonna, Diop, Kressuell, Rays, Snodgrass (Diangana, 46), Antonio, Felipe Anderson, Nobl, Arnautovich (Shande Silva, 73), Peres (Kerroll, 46).
Ogohlantirishlar: Snodgrass (23), Nobl (29), Barns (38), Kerroll (57), Rays (61).