Angliya chempionatining 21-turidan o‘rin olgan markaziy “Manchester Siti” – “Liverpul” uchrashuvi yakuniga yetdi. Uchrashuvda “shaharliklar” Aguero va Leroy Sanening gollari evaziga g‘alaba qozondi.
Mehmonlarning javob to‘piga esa braziliyalik hujumchi Firminyo mualliflik qildi. O‘yin hujumlarga boy o‘tdi.
Ayniqsa so‘nggi daqiqalar hujumkorligi bilan yodda qoldi. Shu tariqa, APLda chempionlik intrigasi qaytdi, shuningdek, ikki klub o‘rtasidagi o‘zaro farq qisqardi.
Eng asosiysi “Man Siti” “Liverpul”ning mag‘lubiyatsiz seriyasiga chek qo‘ydi.
APL, 21-tur.
Manchester Siti – Liverpul 2:1 (1:0, 1:1)
Gollar: 1:0 – 40 Aguero, 1:1 – 64 Firmino, 2:1 – 72 Sane.
Manchester Siti – Ederson, Kompani (Otamendi, 88), Danilo, Stounz, Laport (Uoker, 86), Silva (Gyundogan, 65), Fernandinyo, Sterling, Bernardu Silva, Sane, Aguero.
Liverpul – Alisson, Lovren, Robertson, Aleksander-Arnold, van Deyk, Veynaldum (Starridj, 86), Xenderson, Milner (Fabinyo, 57), Mane (Shakiri, 77), Salax, Firmino.
Ogohlantirishlar: Lovren (20), Kompani (31), Veynaldum (38), Laport (45), Bernardu Silva (89), Ederson (90).
