Xabar berib o‘tganimizdek, terma jamoalarimiz yangi mavsumga tayyorgarlikni boshladilar. Shu jumladan, baydarka va kanoeda eshkak eshish bo‘yicha O‘zbekiston terma jamoasi a’zolari ham lisenzion musobaqalarga qizg‘in tayyorgarlik ko‘rmoqdalar. Shu munosabat bilan, 4 yanvardan boshlab terma jamoamiz a’zolari Toshkent viloyati, Tuyabo‘g‘iz shaharchasida o‘quv-mashg‘ulot yig‘inlarini olib bormoqdalar.

Yig‘inda Vadim Menkov, Aleksey Mochalov, Gerasim Kochnev, Serik Mirbekov, Dilnoza Rahmatova, Ernest Irnazarov, Nikolay Lipkin, Elyor Muhammadaliyev, Artur Guleev, Nilufar Zokirova, Nurislom To‘xtasin o‘g‘li, Yekaterina Shubina, Natalya Kazanseva, Kseniya Kochneva, Vilyam Ibragimov, Odil Qayumov, Shoxruxbek A’zamov, Javohir Nurmatov, Denis Onufriyev, Shaxriyor Mahkamov kabi sportchilar ishtirok etmoqdalar. Unda sportchilarimizning jismoniy va taktik tayyorgarligi belgilangan reja-jadval asosida muntazam sinovdan o‘tkazib borilmoqda. Mashg‘ulotlar murabbiylar A.Ponomarev, R.Mirzadiyarov, V.Sergeev, V.SHubina qo‘l ostida o‘tkazilmoqda. Yig‘in 27 yanvarga qadar davom etadi.