"Real" bosh murabbiyi Santyago Solari La liga doirasida "Betis" bilan bo‘lib o‘tgan o‘yinga sharh berdi (2:1)
"Muhimi biz halaba qozondik, uch ochko oldik va raqobatchilarimiz bizdan katta farq bilan o‘zib ketishiga yo‘l qo‘ymadik. Bizda yosh o‘yinchilar ko‘p, ulardan ko‘pchiligi bugun maydonga tushdi (Valverde, Vinisius, Dias, Regilon va Gonsales). Bu mavsumga rejamiz shu - jamoaga yangi qon quyish.
Kimdir o‘ynamagan bo‘lsa bu yerda shaxsiy adovatga o‘rin yo‘q. Biz jamoamiz, faqat boshlang‘ich tarkibda tushadigan 11 kishigina emas. Mening vazifam - tarkibni rotasiya qilish va alohida o‘yinlarga mos keluvchilarni tanlab, tushirish.
Jarohatlarning ko‘pligi doim bezovtalik tug‘diradi, ammo bu hamma klublarda uchraydi. Bizga haqiqatan tarkibimiz kengligi yetishmayapti", - deydi Solari.
