«Navbahor» jamoasi ilk xorij yig‘inini o‘tkazish uchun Qrimga yo‘l oldi.
To‘g‘risi, «Navbahor» oxirgi marta qachon chet elda yig‘in o‘tkazganini eslolmadim ham. Esimda, 2010 yil jamoamiz Ukrainaning serquyosh Alushta o‘lkasida Viktor Jalilov boshqaruvida mashg‘ulotlar olib borgandi. Hozirgi yig‘inlar shuni anglatmoqdaki - klubga e’tibor kuchli. Buning uchun rahbarlarga minnatdorchilik bildirsak arziydi.

Demak, bizdagi ma’lumotlarga ko‘ra, Qrimga quyidagi futbolchilar yo‘l olishgan:
Mirzohid Mamatxonov, G‘iyos Komilov, Igor Golban, Jahongir Mehmonov, Obid Jo‘raboyev, Mirzohid G‘ofurov, Slavko Lukich, Shahzod Shaymonov, Abdujamol Isroilov, Ulug‘bek Aknazarov, Zafar To‘rayev, Bahodir Nasimov, Aleksandr Kasyan va bir nechta yosh futbolchilar.

Xorijdagi yig‘in davomida tarkibga legioner futbolchilar qo‘shilishi ko‘zda tutilgan. Qrimdagi yig‘in o‘n kun davom etadi. U yerda ikkita nazorat uchrashuvi ham tashkil etiladi. Raqiblarning biri mahalliy «Tavriya» jamoasi bo‘ladi.

Terma jamoalarimiz ixtiyorida bo‘lib turgan Oston O‘runov, Aziz Turg‘unboyev, Davron Hoshimov va boshqa yangi futbolchilar jamoamizning keyingi yig‘inidan tarkibga qo‘shilishadi.