O‘tgan mavsumda bronza medalini qo‘lga kiritgan Namanganning “Navbahor” klubi ayni paytda o‘quv-mashg‘ulot yig‘inini Qrimda olib bormoqda. Mazkur yig‘in davomida jamoa murabbiylari bir qator yangi futbolchilarni ham ko‘rikdan o‘tkazishni rejalashtirishgan.

Kecha rasmiy telegram kanalimiz orqali “lochinlar” safiga 2 nafar eronlik o‘yinchi qo‘shilgani haqida xabar bergandik. Bugun ham “Navbahor” lageriga yangi legioner qo‘shildi. Bu rossiyalik yarim himoyachi Ivan Solovyov.

Solovyov 1993 yilning 29 martida tug‘ilgan. Futbolchilik faoliyati davomida Rossiyaning “Dinamo” (Moskva), “Zenit” (Sankt-Peterburg), “Amkar” (Perm), “Fakel” (Voronej), “Dinamo” (Sankt - Peterburg) va Finlyandiyaning “Laxti” (Laxti) klublarida o‘ynagan. O‘tgan mavsumni Rossiyaning “Sochi” jamoasi tarkibida o‘tkazgan.

Solovyovning harakatlari “Navbahor” murabbiylariga ma’qul kelsa, u bilan shartnoma imzolanadi.

“Navbahor” PFK matbuot xizmati.