Ўтган мавсумда бронза медалини қўлга киритган Наманганнинг “Навбаҳор” клуби айни пайтда ўқув-машғулот йиғинини Қримда олиб бормоқда. Мазкур йиғин давомида жамоа мураббийлари бир қатор янги футболчиларни ҳам кўрикдан ўтказишни режалаштиришган.

Кеча расмий телеграм каналимиз орқали “лочинлар” сафига 2 нафар эронлик ўйинчи қўшилгани ҳақида хабар бергандик. Бугун ҳам “Навбаҳор” лагерига янги легионер қўшилди. Бу россиялик ярим ҳимоячи Иван Соловьёв.

Соловьёв 1993 йилнинг 29 мартида туғилган. Футболчилик фаолияти давомида Россиянинг “Динамо” (Москва), “Зенит” (Санкт-Петербург), “Амкарь” (Пермь), “Факел” (Воронеж), “Динамо” (Санкт - Петербург) ва Финляндиянинг “Лахти” (Лахти) клубларида ўйнаган. Ўтган мавсумни Россиянинг “Сочи” жамоаси таркибида ўтказган.

Соловьёвнинг ҳаракатлари “Навбаҳор” мураббийларига маъқул келса, у билан шартнома имзоланади.

“Навбаҳор” ПФК матбуот хизмати.